हरीश तुपलोंढे त्र्यंबकेश्वर प्रतिनिधी | दि. १९ जुलै २०२५ वाशी, नवी मुंबई येथील प्रयाग फाउंडेशन यांच्या वतीने बेझे जिल्हा परिषद शाळा, ता. त्र्यंबकेश्वर येथे विद्यार्थ्यांना मोफत लेखन साहित्याचे वाटप करण्यात आले.या उपक्रमाचा शुभारंभ फाउंडेशनचे सचिव श्री. अंबादास पालवे यांच्या हस्ते करण्यात आला.
कार्यक्रमास गावचे सरपंच कैलास भाऊ पोटिंदे, मा. उपसरपंच सुरेश चव्हाण, तंटामुक्ती अध्यक्ष पंडित तुपलोंढे, शालेय शिक्षण समिती अध्यक्ष हरीश तुपलोंढे, तसेच ग्रामपंचायत सदस्य व सामाजिक कार्यकर्ते उपस्थित होते.
शालेय परिसरात वृक्षारोपण उपक्रमही राबविण्यात आला.या हरित उपक्रमासाठी वनपाल रत्नपारखे साहेब व वनरक्षक जाधव मॅडम यांची विशेष उपस्थिती लाभली.शाळेचे मुख्याध्यापक प्रभाकर सोनवणे तसेच जाधव सर, देवांग सर, महाजन मॅडम, रोडे मॅडम, लहारे सर, रंजिनी तुपलोंढे यांच्यासह सर्व शिक्षक आणि ग्रामस्थांनी या उपक्रमात उत्स्फूर्त सहभाग नोंदवला. शैक्षणिक साहित्याचे वाटप आणि वृक्षारोपण यामुळे विद्यार्थ्यांमध्ये शैक्षणिक प्रोत्साहनासोबतच पर्यावरणाबाबत सजगता निर्माण झाली. प्रयाग फाउंडेशनचा हा उपक्रम समाजहितासाठी प्रेरणादायी ठरला.
